संजूबाबाकडून रणबीरला ३० लाखांची बाईक भेट

संजूबाबाकडून रणबीरला ३० लाखांची बाईक भेट
स्रोत: तरुण भारत
मुंबई, २९ सप्टेंबर -अभिनेता संजय दत्तने युवा अभिनेता रणबीर कपूरला ३० लाख रुपये किमतीची बाईक भेट म्हणून दिली आहे.
कालच रणबीरचा २९ वा वाढदिवस झाला. यानिमित्ताने त्याच्या आगामी ‘रॉकस्टार’ चित्रपटाच्या टीमने एका जंगी पार्टीचे आयोजन केले होते. यात चित्रसृष्टीतील अनेक तारे-तारका सहभागी झाल्या. त्यावेळी संजय दत्तने रणबीरला ही महागडी बाईक भेटीदाखल देत सर्वांना आश्‍चर्याचा धक्काच दिला. संजूबाबाकडून इतकी महागडी भेट दिली जाईल, असा विचारही कोणी केला नव्हता.